Pra heta havorycca ŭ piśmovym adkazie ministerstva presavamu sakrataru HA «BAŽ» Barysu Hareckamu.
Dziaržaŭnaja hazieta «Respublika», jakaja ŭ vychodnych dadzienych taksama nie paviedamlała nazvy rehistrujučaha orhana, pakul papiaredžańnia nie atrymała.
Nahadajem, što ŭ lutym-sakaviku Mininfarmacyi vyniesła aficyjnyja papiaredžańni adrazu šerahu rehijanalnych niedziaržaŭnych vydańniaŭ, źvinavaciŭšy ich u niezakonnym skaračeńni «RB» zamiest «Respublika Biełaruś» u vychodnych dadzienych.
Miž tym, padobnyja skaračeńni žurnalisty zaŭvažyli i ŭ vydańniach, zasnavalnikami jakich vystupajuć dziaržaŭnyja orhany ŭłady. U suviazi z hetym pres-sakratar HA «BAŽ» napisaŭ u Ministerstva infarmacyi list, kab daviedacca, ci reahavała viedamstva na takija fakty.
Jak vynikaje ź lista namieśnika ministra Uładzimira Matusieviča, pa stanie na 16 sakavika ŭ miežach kantrolu za vykanańniem zakanadaŭstva piśmovyja papiaredžańni vyniesienyja časopisu «Vožyk» i baranavickaj haziecie «Naš kraj».
