Photo by Jolanta Kairė
Pra heta siońnia na bryfinhu paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
«Viasna ŭ hetym hodzie raduje cichim, spakojnym i kamfortnym nadvorjem. Na bolšuju častku krainy jana pryjšła na miesiac raniej, prykładna 19—20 lutaha, i ŭ cełym u hetym hodzie budzie ciaplejšaj, čym zvyčajna», — adznačyŭ Dźmitryj Rabaŭ.
Rabaŭ padkreśliŭ, što pieršaja dekada sakavika była anamalna ciopłaj, siaredniaja tempieratura była vyšej za klimatyčnuju normu na 6-8 hradusaŭ.
«Tak ciopła ŭ hety čas u našaj krainie byvaje prykładna raz u 15-20 hadoŭ.
I da kanca sakavika siaredniaja tempieratura pa krainie budzie vyšej za klimatyčnuju normu na 2-4 hradusy», — rastłumačyŭ Dźmitryj Rabaŭ.
U krasaviku i mai siaredniaja miesiačnaja tempieratura pavietra čakajecca vyšej za klimatyčnuju normu. Kolkaść apadkaŭ u hety čas prahnazujecca ŭ miežach siarednich šmathadovych značeńniaŭ.