«Apošnim časam rasijskija televizijnyja kanały pieratvarylisia ŭ rupary nieaimpierskaha militarysckaha revanšyzmu. U vyniku hramadzianie Biełarusi, jakija vymušany isnavać u sacyjalna-kulturnickim i miedyjnym kantekście niemiralubnaj susiedki, stanoviacca achviarami prakramloŭskaj prapahandy. Pryčym naša kraina moža ŭśled za Ukrainaj zaznać parušeńnie terytaryjalnaj cełasnaści i navat stratu suvierenitetu.
Akupacyi zazvyčaj papiaredničaje infarmacyjnaja vajna. Jaje razhortvańnie suprać Biełarusi možna nazirać užo ciapier.
Zadača dziaržavy ŭ takich varunkach - zrabić usio mahčymaje, kab minimizavać uździejańnie na hramadzian Biełarusi płyniaŭ vonkavaj «hiebielsaŭščyny».
My razumiejem, što sucelnaje adklučeńnie rasijskich telekanałaŭ albo ichniaja kropkavaja filtracyja z boku ŭładaŭ Biełarusi siońnia małavierahodnyja.
Tamu Ruch «Za Svabodu» zaklikaje kiraŭnictva krainy chacia b spynić u dziaržaŭnych ustanovach samaha roznaha kštałtu i hramadskich miescach tranślacyju rasijskich telekanałaŭ, što źjaŭlajecca dastatkova raspaŭsiudžanaj źjavaj.
Pry najaŭnaści značnaj kolkaści biełaruskich telekanałaŭ padobnuju situacyju možna traktavać jak ideałahičnaje spryjańnie vonkavaj vajaŭničaj prapahandzie, jakaja pahražaje nacyjanalnym intaresam.
Razam z tym my źviartajemsia da ŭładalnikaŭ pryvatnych ustanovaŭ (ad cyrulniaŭ da kaviarniaŭ) vyjavić niezaležnickuju pazicyju i nie ładzić publičnych tranślacyj rasijskich telekanałaŭ.
Pavažajučy prava hramadzian Biełarusi ŭ svaich damach i kvaterach hladzieć z ekranaŭ televizaraŭ što zaŭhodna na svoj ułasny vybar, zaklikajem usich tym nie mienš ścierahčysia prakramloŭskaj pramyŭki mazhoŭ.
Heta sapraŭdy niebiaśpiečna dla našych siemjaŭ i Biełarusi!»
