Amierykanski aerakaśmičny hihant atrymaŭ patent na technałohiju stvareńnia płaźmiennaha pola, jakoje častkova abaraniaje ad vybuchovaj chvali vajskovuju techniku, paviedamiŭ sajt cnet.com.
Siłavoje pole ŭ «Zornych vojnach», cmtt.ru
Patent, raźmieščany ŭ dziaržaŭnaj bazie dadzienych, nazyvajecca «Mietad i sistema zatuchańnia ŭdarnaj chvali praz vykarystańnie elektramahnitnaj duhi».
Technałohija nie abaraniaje ad askiepkaŭ snaradaŭ i kulaŭ, adnak i ułasna ŭdarnaja chvala ad blizkich vybuchaŭ navat čaściej vyvodzić sa stroju jak lohkabraniravanyja, hetak i ciažkija bajavyja mašyny.
Sistema składajecca z sensara, jaki imhnienna rehistruje fakt vybuchu. U vyniku aktyvizujecca elektramahnitnaja duha, jakaja ianizuje pavietra z patrebnaha boku, z dapamohaj łaziera i mikrachvalaŭ stvarajučy płaźmiennaje pole.
Kancept-malunak z patenta Boeing.
Pole adroźnivajecca ad navakolnaha asiarodździa tempieraturaj, ščylnaściu i składam, takim čynam utvarajecca bufier, jaki advodzić i absarbiruje jak minimum častku ŭdarnaj chvali.
Pole ŭklučajecca tolki ŭ momant vybuchu, takim čynam, heta nie pastajannaja abaronnaja sistema, jakija pakazanyja ŭ fantastyčnych filmach, naprykład, u «Zornych vojnach».
Płanujecca, što takija «enierhietyčnyja ščyty» možna budzie ŭstaloŭvać na naziemnuju i pavietranuju techniku, a taksama na budynki.
