lefigaro.fr
Pa słovach Rabena, u pieršyja 20 chvilin palotu abodva piłoty viali narmalnuju razmovu. Kali kamandzir pavietranaha sudna vyjšaŭ z kabiny, chutčej za ŭsio, u prybiralniu, druhi piłot (jaho imia Andreas Lubic) zabłakavaŭ dźviery i samavolna pačaŭ źnižeńnie łajniera.
Kamandzir sprabavaŭ viarnucca ŭ kabinu, adnak zrabić hetaha nie zmoh. Na aŭdyjozapisie, źniatym z samapiscaŭ, čutnyja sproby vyłamać dźviery, vykliki dyśpietčara, papiaredžańnie sistem samalota ab mahčymaści sutyknieńnia. Druhi piłot nie vymaviŭ ni słova, adnak jaho narmalnaje dychańnie čuvać až da momantu katastrofy.
Pasažyry samalota da apošniaha nie padazravali pra katastrofu, zrazumieŭšy tolki ŭ apošnija siekundy, što adbyvajecca nadzvyčajnaja situacyja.
Pres-kanfierecyju Brysa Rabena pakazvaŭ u žyvym efiry Jeŭrańjus.
U Internecie źjavilisia foty Andreasa Lubica, Independent.
Samalot Germanwings, jaki ruchaŭsia rejsam Barsiełona — Dziusieldorf, paciarpieŭ krušeńnie ŭ Alpach 24 sakavika. Zahinuli ŭsie 150 čałaviek, jakija znachodzilisia na borcie.
