NASA padzialiłasia płanami prajektu Asteroid Redirect Mission, u miežach jakoha płanujecca vysadka astranaŭtaŭ na asteroid i dastaŭka kavałka asteroida na arbitu Miesiaca.
Pavodle prajektu misii, u 2019 hodzie budzie zapuščany bieśpiłotny aparat, jaki zabiare z asteroida askiepak i dastavić jaho na arbitu Miesiaca. Zatym u rajonie 2025 hoda da askiepka budzie skiravanaja ekśpiedycyja.
Miarkujecca, što na arbicie ludzi praviaduć kala 24-25 ziamnych dzion.
NASA pakul nie vyznačyła kankretny asteroid, ź jakim płanujecca apieracyja. Kančatkovy vybar asteroida adbudziecca da 2019 hoda pa atrymańni źviestak pra asteroidy Itakava, Biena i 2008 EV5, a taksama mahčymyja adkryćci novych asteroidaŭ.
Padčas misii buduć vyprabavanyja technałohii manieŭravańnia asteroidami, što dapamoža adchilić ad Ziamli patencyjna niebiaśpiečnyja niabiesnyja cieły. Taksama ŭ čas misii buduć testavacca novyja skafandry dla palotaŭ u dalni kosmas.
Biudžet prahramy aceńvajecca ŭ 1,25-2,6 młrd dalaraŭ. Mierkavany karabiel misii — Orion, što z 2000-ch raspracoŭvaŭsia dla palotaŭ da MKS, na Łunu i Mars. Taksama moža być vykarystana novaja ciažkaja rakieta SLS.
