Fota: Mark Cukierbierh
Zasnavalnik Facebook Mark Cukierbierh paviedamiŭ ab pieršym palocie bieśpiłotnaha samalota prajektu Internet.org, u miežach jakoha krainam treciaha śvietu budzie razdavacca biaspłatny dostup u internet.
Samalot maje razmach kryłaŭ jak u Boeing 737, ale važyć jak lehkavy aŭtamabil. Zamiest paliva — soniečnaja enierhija.
Aparat moža niaspynna lotać niekalki miesiacaŭ na enierhii ad soniečnych batarej na kryłach. Rabočaja vyšynia — 18 km.
Takija bieśpiłotniki zabiaśpiečać internetam samyja addalenyja i ciažkadasiažnyja rajony płaniety.
***
U miežach Internet.org žychary biednych krain atrymlivajuć biaspłatny dostup da Vikipiedyi, Facebook, anłajn-biblijateki, navin, prahnozu nadvorja, sajtaŭ pošuku pracy i inšych internet-siervisaŭ. Servis užo zapuščany praz naziemnyja kamunikacyi ŭ niekatorych štatach Indyi.
Anałahičnuju ideju, Project Loon, realizuje Google. U jaje miežach žycharoŭ biednych krain miarkujecca zabiaśpiečyć internetam z pavietranych šaroŭ.
