Były prezident Nikala Sarkazi rychtujecca viarnucca ŭ vialikuju palityku. Fota AFP.
U Francyi ŭ niadzielu prajšoŭ druhi tur miascovych vybaraŭ. Vyniki hałasavańnia na hetych vybarach šmat chto ličyć indykataram nastrojaŭ francuzaŭ, jakija ŭ 2017 hodzie buduć vybirać novaha prezidenta.
Pavodle ekzit-połaŭ, u druhim tury pieramahli pravacentrysty na čale z «Sajuzam za narodny ruch» Nikala Sarkazi.
«Nacyjanalny front» Maryn Le Pien idzie druhim, choć napiaredadni hałasavańnia ŭ pieršym tury niekatoryja apytańni pakazvali, što partyja Le Pien mahła navat stać samaj papularnaj u krainie. Adnak hetaha nie adbyłosia, da radaści centrystaŭ.
Čakajecca, što sacyjalisty prezidenta Fransua Alanda, jakija iduć trecimi, straciać kantrol nad značnaj kolkaciu miascovych orhanaŭ ułady.
Premjer-ministr Francyi Manuel Vals pryznaŭ, što sacyjalisty vystupili vielmi niaŭdała.
Jon nazvaŭ rost papularnaści «Nacyjanalnaha frontu» prykmietaj «fundamientalnych źmienaŭ u francuzskim palityčnym łandšafcie».
Nikala Sarkazi ŭžo zajaviŭ, što francuzy prademanstravali vialikaje žadańnie pieramienaŭ.
Apytańni hramadskaj dumki pakazvajuć, što pravacentrysckaja partyja Sarkazi «Sajuz za narodny ruch» voźmie na hetych vybarach amal u dva razy bolš miescaŭ, čym prychilniki ciapierašniaha prezidenta Fransua Alanda.
Upieršyniu vybarščyki hałasujuć nie za adzinaha kandydata, a za paru — mužčynu i žančynu z metaj zabieśpiačeńnia roŭnaha pradstaŭnictva ŭ miascovych orhanach ułady.
U vybarach nie biaruć udzieł dva najbujniejšyja harady krainy Paryž i Lijon.
