Śpis samych upłyvovych asobaŭ Biełarusi «Naša Niva» składaje druhi raz. Papiaredni rejtynh źjaviŭsia ŭ 2013-m. Naš ciapierašni top-100 adlustroŭvaje žyćcio krainy na pačatak 2015 hoda.
Va ŭmovach biełaruskaha aŭtarytaryzmu naturalna, što vierchniaja častka śpisu spres składajecca ź ludziej, blizkich da ŭłady. Nakont taho, chto pavinien znoŭ ačolić «top», sumnievaŭ nie było ni ŭ koha z ekśpiertaŭ. Hulcoŭ u hetuju zbornuju faktyčna nabiraje adzin čałaviek. Jon ža jaje hałoŭny trenier, jon ža i kapitan, i hałoŭny hulec.
Alaksandr Łukašenka stvaryŭ sistemu adnaasobnaj ułady. Isnuje i svojeasablivaje «palitbiuro», ale jano, u adroźnieńnie ad savieckaha času, niefarmalnaje.
Biasstrašny Mikoła Statkievič (№45), jaki piać hadoŭ tamu kinuŭ vyklik Łukašenku, pa-raniejšamu za kratami. Ale pamiž pradstaŭnikami niezaležnaj supolnaści jon napieradzie ŭsich.
Krytery vyznačeńnia ŭpłyvovaści zastalisia niaźmiennymi. Heta kolkaść ludziej pad kiravańniem asoby. Heta taksama resursy, u tym liku finansavyja, jakija jana moža raźmiarkoŭvać. Heta i kolkaść śfieraŭ hramadskaha žyćcia, na jakija asoba maje ŭpłyŭ, a taksama aktyŭnaść, ź jakoj naminant karystajecca svajoj uładaj.
Cikava, što ekśpierty adznačajuć i tych ludziej, upłyŭ jakich maralny, a nie ŭładny ci finansavy.
Naturalna, što bolš miedyjnych i charyzmatyčnych pierson ekśpierty staviać vyšej za šerych kardynałaŭ. Uvohule, biełaruskija ŭładnyja struktury i biznes davoli zakrytyja, što nie moža nie mieć adbitku na rejtynhu.
(U dužkach ukazvajecca miesca ŭ anałahičnym rejtynhu 2013 hoda.)
|
| Kiraŭnik krainy U 2015 hodzie Alaksandr Łukašenka źbirajecca praciahnuć svoj mandat na vybarach, hałasy na jakich ličać pryznačanyja samim ža Łukašenkam ludzi.
staršynia KDB Hałoŭny sihnał dla ekśpiertaŭ u tym, što sam Łukašenka nikoli nie dazvalaŭ sabie krytyku Vakulčyka, u adroźnieńnie ad mnohich jahonych papiarednikaŭ. |
|
kiraŭnik Administracyi prezidenta Mužna vytrymaŭšy ciažkaje vyprabavańnie Viciebskam, Kosiniec viarnuŭsia ŭ stalicu. Dy nie aby-kim, a kiraŭnikom Administracyi prezidenta. |
|
pamočnik prezidenta pa pytańniach biaśpieki Starejšamu syn Łukašenki praciahvaje zajmać klučavuju, choć i niepubličnuju pasadu. Viktar pastajanna naviedvaje arabaŭ, jakija majuć ahromnyja reziervavyja fondy i šukajuć, kudy b ich inviestavać. |
|
premjer-ministr Paśla valutnaha kryzisu kanca 2014 Kabiakoŭ zastaŭsia ŭ biełym. Mienavita jaho Łukašenka prezientavaŭ jak «novy tvar» na pasadzie premjer-ministra. |
|
ministr zamiežnych spravaŭ Makiej adčuvaje siabie bolš upeŭniena ŭ kalidorach Brusela i Strasburha, čym siedziačy na naradach ab palaŭnictvie i rybałcy. Čynoŭnik užo byŭ kanstruktaram adnoj z «adlih» aficyjnaha Minska i Jeŭropy. Siońnia naśpiavaje nastupnaja. |
|
ministr unutranych spravaŭ Za apošni hod milicejski načalnik prasunuŭ vielmi žorstkaje novaje zakanadaŭstva dla narkahandlaroŭ i narkamanaŭ. Šunievič byŭ siarod tych, chto raspracoŭvaŭ zakon ab «darmajedstvie». |
|
staršynia praŭleńnia Nacbanka Kałaŭr – pazityŭny vobraz čynoŭnika, jaki prabiŭsia navierch dziakujučy mazham, a nie suviaziam. Jon nie baicca prymać rašeńni i hatovy čuć roznyja mierkavańni. |
|
vice-premjer Siamaška adkazvaje za canu na naftu i haz, a taksama za budaŭnictva AES. «Jon jak buldoh u pieramovach, nikomu nijakaj pazicyi nie sastupić, i heta ŭsio arhumientavana», – chvalić jaho Łukašenka, narakajučy tolki na ciažki charaktar čynoŭnika. |
|
kiraŭnik spravaŭ prezidenta Siońnia Šejman nie vyhladaje takim usiemahutnym, jak hadoŭ dziesiać tamu, ale jaho «złavieščaja cień» pa-raniejšamu prysutničaje na naradach siłavikoŭ i vajskovych paradach. |
|
biznesoviec, ułaśnik kampanii «Trajpł» Nivodzin inšy biełaruski miljanier nie maje takoj raznastajnaści ŭ biznesie. I nafta, i nieruchomaść, i rytejł, i budmateryjały, i farmaceŭtyka, i turyzm, i restarany… A taksama lubimaja cacka – futbolnaje «Dynama». |
|
staršynia savieta respubliki Novaja pasada Miaśnikoviča — siniekura. Amal nikoha ź jahonych papiarednikaŭ Łukašenka nie viartaŭ u vialikuju palityku. Ale ci vieryć chto-niebudź, što daśviedčany namienkłaturščyk nasamreč zastaniecca pa-za hulnioj? Na fota: padčas naviedvańnia redakcyi sajta kyky.org |
|
staršynia Śledčaha kamiteta Śledčy kamitet – heta samaja aktyŭnaja i samaja prazrystaja siłavaja struktura krainy. Šajeŭ nie byŭ zaviazany ź minskimi hrupoŭkami siłavikoŭ. Ale charyzmy i jarkaści jamu ŭsio ž nie chapaje. |
|
namieśnik kiraŭnika Administracyi prezidenta Z kožnym hodam rynačnik Snapkoŭ pačuvajecca siabie ŭsio bolš upeŭniena. Jon moža naležnym čynam pradstavić krainy na mižnarodnym uzroŭni, hatovy i da kantaktaŭ ź niezaležnymi ekśpiertami. |
|
staršynia Kamiteta dziaržkantrolu Pieršaj pracaj Anfimava było paśvić kałhasnych koniej. Ciapier jon hałoŭny «pastuch» krainy. Hety dziadula, jaki dabradušna ŭśmichajecca z-pad sivych vusaŭ, navodzić strach na mnohija arhanizacyi i ludziej. Pravierak KDK realna bajacca. |
|
kiraŭnik słužby biaśpieki prezidenta Kiraŭnik słužby achovy — adna z klučavych pasad u siońniašniaj Biełarusi. Šynkievič – svojeasablivy mazhavy centr, jaki zajmajecca pytańniami płanavańnia i zabieśpiačeńnia apieracyj. |
|
pamočnik prezidenta, lidar «Biełaj Rusi» Radźkoŭ atrymaŭ nieabmiežavany dostup da kiraŭnika krainy. Ciapier ŭ jaho abaviazki ŭvachodzić aznajamleńnie Łukašenki sa śviežymi navinami, padrychtoŭka sustreč i telefonnych razmovaŭ, navat adčynić dźviercy aŭtamabila padčas pajezdki. |
|
hienieralny prakuror Aŭtarytet i pazicyi prakuratury padarvała sprava namieśnika Alaksandra Archipava, jaki za chabar spyniŭ kryminalnuju spravu suprać złačyncy. Ale sam Kaniuk nie byŭ ubłytany ŭ hetuju historyju. |
|
biznesoviec, staršynia rady praŭleńnia «Amkadora» Šakucin staŭ samym nabližanym da Alaksandra Łukašenki biznesmienam. Miljanier supravadžaje jaho i padčas rabočych turne, sumieščanych z adpačynkam, i navat padčas siamiejnych vizitaŭ da cieščy Łukašenki. |
|
ministr infarmacyi Ad pieršych dzion na pasadzie Ananič praŭlaje naporystaść. Ale baraćbu za aŭdytoryju ŭ internecie dziaržaŭnaja prapahandysckaja mašyna prajhraje ŭčystuju. |
|
kiraŭnik Apieratyŭna-analityčnaha centra Pra samaha tajamničaha biełaruskaha čynoŭnika pa-raniejšamu ničoha nieviadoma. AAC praciahvaje sačyć za internetam, a kali treba, to ŭklučyć «rubilnik». |
|
pieršy vice-premjer Maciušeŭski razmaŭlaje pa-anhlijsku, umieje stylova apranacca i nie baicca ŭśmichacca ŭ kamieru. Top-mieniedžar, jaki skončyŭ Łondanskuju biznes-škołu, pahadziŭsia stać tvaram pieramienaŭ u kryzisny čas. |
|
hałoŭny redaktar haziety «SB. Biełaruś siehodnia» Upłyŭ Jakuboviča hruntujecca nie tolki na pasadzie kiraŭnika prezidenckaj haziety, ale i na intelektualnaj charyźmie. Ale sistema i na jaho nakładvaje svaje abmiežavańni. |
|
ministr abarony Vysokaje miesca Raŭkova chutčej avans, davier da ŭpłyvovaści ministerstva abarony. Asabistyja jakaści ŭłasna ministra, mabyć, prajaviacca krychu paźniej. |
|
staršynia Centrvybarkama Staršynia CVK vychodzić na avanscenu tolki padčas prezidenckich vybaraŭ. I sioleta jakraz taki hod. Jarmošyna zajmaje svaju pasadu ŭžo 18 hadoŭ. Tak, jak jana, nie ŭmieje ličyć nichto. |
Samyja ŭpłyvovyja biełarusy. №25—№50
Samyja ŭpłyvovyja biełarusy. Miescy №51—№100 + śpis ekśpiertaŭ + analiz tendencyj
