9 (9). Uładzimir Siamaška
Vice-premjer.
Pieratasoŭki čynoŭnikaŭ doŭhi čas nie zakranali Uładzimira Siamašku — dziesiać hadoŭ na adnoj pasadzie!
Ale śniežańskaja rakiroŭka pryniesła jamu panižeńnie. Ciapier jon nie pieršy vice-premjer, a prosta vice-premjer. Ale śfiera dziejnaść raniejšaja: Siamaška adkazvaje za canu na naftu i haz, a taksama za budaŭnictva AES. «Jon jak buldoh u pieramovach, nikomu nijakaj pazicyi nie sastupić, i heta ŭsio arhumientavana», — chvalić jaho Łukašenka, narakajučy tolki na ciažki charaktar čynoŭnika.
«Jość praviła ruchu źnizu ŭvierch pa ijerarchičnaj leśvicy … Ja [Siamašku] prapanoŭvaŭ i inšyja pasady, ciažkija pasady … Jon mnie kaža: «Nie, kali vy nie suprać, ja jašče tut papracuju», — raskazvaŭ Łukašenka. Niaŭžo Siamaška pajšoŭ na panižeńnie praz admovu stać premjer-ministram?
Cytata
«Stolki krytykaŭ vakoł — časam ruki apuskajucca, dumaješ, lepš naohuł nie zajmacca ničym».
U parłamiencie, kastryčnik 2014.
Abjektyŭka
Nar. u 1949 u Kalinkavičach. Zakončyŭ BNTU (1972). Paśla słužby ŭ vojsku (1972–1974) pracavaŭ na «Intehrale» (1974–1996). Hienieralny dyrektar «Haryzonta» (1996–2001). Ministr enierhietyki (2001–2003). Pieršy vice-premjer Biełarusi (2003–2014), vice-premjer (ad 2014).
* * *
