U municypalitecie Žyrarda ŭ vieniesuelskim štacie Kachiedes na paŭnočnym uschodzie krainy byŭ znojdzieny paciarpieły krušeńnie lohkamatorny samalot, jaki imavierna naležaŭ aptovym narkadyleram abo bujnym narkakurjeram. U samalocie, jaki ŭpaŭ, było znojdziena 863 ŭpakoŭki kakainu, piša ŭ niadzielu, 4 krasavika, vydańnie Ultimas Noticias.
Ahulnaja vaha kanfiskavanaha paraška skłała 999 kiłahramaŭ. U samalocie znojdzienyja cieły troch zahinułych.
Incydent adbyŭsia nočču ŭ čaćvier, 2 krasavika, ale paviedamlajecca pra jaho tolki ciapier.
Imiony, źniešnaść, uzrost znojdzienych zahinułych nie ŭdakładniajucca. Minabarony prademanstravała presie tolki kanfiskavany «tavar».
Pa svaim hieahrafičnym stanoviščy Vieniesueła stała asnoŭnym tranzytnym punktam na šlachu dastaŭki narkotykaŭ z Paŭdniovaj Amieryki ŭ ZŠA. Vieniesueła taksama źjaŭlajecca adpraŭnym punktam dla kakainu, jakaja nakiroŭvajecca ŭ Zachodniuju Jeŭropu. Tudy narkotyk dastaŭlajecca pieravažna marskim šlacham.
Pry dastaŭcy narkotykaŭ pastajanna adbyvajucca kurjozy. Albo narkakurjery pieravoziać vielmi vialikija partyi, albo vybirajuć dla hetaha ekzatyčnyja mietady. Naprykład, vosieńniu minułaha hoda adna žančyna viezła kakain u hrudnych impłantatach.
