Adziny dzień źnižak u suviazi sa śviatkavańniem 70-hodździa Pieramohi projdzie ŭ handlovaj sietcy Minska 2 maja, paviedamili ŭ hałoŭnym upraŭleńni spažyvieckaha rynku Minharvykankama.
U hety dzień staličnyja kramy prapanujuć pakupnikam źnižki na niecharčovyja tavary ŭ pamiery 15-20% ad koštu.
Jak adznačyli ŭ hałoŭnym upraŭleńni spažyvieckaha rynku, dla stvareńnia śviatočnaha nastroju ŭ vieteranaŭ i ŭdzielnikaŭ Vialikaj Ajčynnaj vajny ŭ handlovaj sietcy stalicy ŭžo siońnia pravodziacca pašyranyja prodažy adzieńnia i abutku, tavaraŭ haspadarčaha pryznačeńnia, składanabytavoj techniki, juvielirnych vyrabaŭ, mebli i inšych.
U mai ŭ stalicy płanujecca pravieści bolš za 400 vystaŭ-prodažaŭ, rekłamnych akcyj i rasprodažaŭ. Usim vieteranam Vialikaj Ajčynnaj vajny buduć prapanavanyja istotnyja skidki na charčovyja i niecharčovyja tavary. Taksama handlovyja pradpryjemstvy voźmuć udzieł u respublikanskim patryjatyčnym prajekcie «Kvietki Vialikaj Pieramohi».
