NY Times
Chiłary Rodchem Klintan budzie bałatavacca ŭ prezidenty druhi raz, zajaviŭ adzin ź jaje hałoŭnych daradcaŭ u niadzielu, padvodziačy rysu pad dvuma hadami śpiekulacyj na temu vierahodniaha kandydata ad Demakratyčnaj partyi na vybarach 2016 hoda.
Heta zajava prahučała ŭ rassyłcy elektronnaj pošty ad Džona Padesty — staršynia kampanii Ch.Klintan, paviedamlaje NY Times.
«Ja chacieŭ, kab pierakanalisia, što vy čujecie ŭ pieršuju čarhu ad mianie — heta aficyjna: Chiłary bałatujecca na pasadu prezidenta», — havorycca ŭ zajavie Padesty.
Na kanale Klintan na YouTube apublikavana videa, u jakim amierykancy dzielacca svaimi płanami. U kancy videa Chiłary Klintan dzielicca svaimi: jana kaža, što idzie ŭ prezidenty.
«Amierycy patrebnyja hieroi, i ja chaču być takim hierojem», - kaža Chiłary Klintan
Pieršaja łedzi ZŠA ŭ 1993-2001 hh., sienatar ad štata Ńju-Jork (2001—2009), dziaržsakratar krainy ŭ 2009-2013 hh. prajhrała Baraku Abamu na prajmieryz demakrataŭ u 2008 h.
Siońnia raniej paviedamlałasia, što Barak Abama «błasłaviŭ» Chiłary Klintan u prezidenty. «Ja liču, što Chiłary Klintan stanie vydatnym prezidentam. Jana moj siabar», — zajaviŭ Abama ŭ subotu na pres-kanfierencyi ŭ Panamie paśla zaviaršeńnia tam «samitu Amieryk».
Kandydat u prezidenty ad Respublikanskaj partyi jašče nie vyznačyŭsia.
Pra namier vyłučacca zajavili, naprykład, hubiernatar Fłarydy, brat Džordža Buša-małodšaha Džeb Buš (najbolš vierahodny), a taksama sienatary Rend Poł i Ted Kruz.
Vybary 45-ha prezidenta ZŠA projduć u listapadzie 2016 h., ale vybarčaja kampanija startuje ŭžo sioleta. Barak Abama nie moža vyłučacca, bo kiruje krainaj druhi termin.
NY Times
