Biełaruskaja naftavaja kampanija (BNK) adnaviła pastaŭki bienzinaŭ u Rasiju. Ab hetympaviedamili ŭ kampanii.
«Sakavik byŭ niaprostym u častcy cenaŭtvareńnia na hetu pradukcyju. Razam z tym ciapier jaje adhruzki ŭ Rasiju viaducca zhodna z raniej padpisanymi z rasijskim Minenierha damoŭlenaściami», — adznačyli pradstaŭniki BNK.
Pavodle danych namieśnika staršyni kancerna «Biełnaftachim» Vitala Paŭłava, Biełaruskaja naftavaja kampanija ŭ krasaviku pastaviła na rasijski rynak 25,5 tys. t bienzinaŭ. Jon padkreśliŭ, što biełaruski bok zacikaŭleny ŭ tym, kab pracavać u adpaviednaści z ustanoŭlenymi praviłami i poŭnym uzajemarazumieńni z rasijskimi partniorami.
Jak raniej zajaviŭ staršynia kancerna «Biełnaftachim» Ihar Lašenka, za studzień-luty biełaruski bok poŭnaściu vykanaŭ svaje abaviazacielstvy pa prodažach na rasijski rynak naftapraduktaŭ. «U sakaviku, kali situacyja z ekanomikaj pastaŭki źmianiłasia, my skarystalisia papraŭkaj u damoŭlenaściach, jakaja praduhledžvaje ŭ vypadku źnižeńnia dachodnaści biełaruskaha boku da praviadzieńnia kansultacyj i vypracoŭki niejkich dadatkovych mier prypynić pastaŭki», — udakładniŭ kiraŭnik kancerna. Jon źviarnuŭ uvahu, što ŭ sakaviku pastavak nie było, ale, kali jany stanuć ekanamična vyhadnymi, ich adnoviać.
Pa vynikach pieršych dvuch miesiacaŭ Biełaruś pastaviła ŭ Rasiju 140 tys. t bienzinaŭ.
Niadaŭna ŚMI raspaŭsiudzili infarmacyju sa spasyłkaj na ministra enierhietyki RF Alaksandra Novaka, što ŭ vypadku niedapastavak u Rasiju biełaruskaha aŭtabienzinu bolš jak na 10 pracentaŭ ad praduhledžanych hrafikam abjomaŭ RF maje prava źnizić pastaŭki nafty ŭ suadnosinach 1:5. «Jak tolki pastaŭki aŭtabienzinu znoŭ pačnucca, adnoviacca i pastaŭki nafty. Usie raźliki pavinny być paćvierdžany dakumientalna, ryzyka kanfliktnych situacyj minimalnaja. Da taho času, pakul nie budzie zavieršana madernizacyja našych NPZ, my raźličvajem na abjomy naftapraduktaŭ ź Biełarusi», — zajaviŭ ministr.
Usiaho, zhodna ź indykatyŭnymi bałansami paliŭna-enierhietyčnych resursaŭ na 2015 hod, u Biełaruś pastupić 23 młn t nafty, u tym liku 22 młn t trubapravodnym transpartam. U svaju čarhu Biełaruś pavinna pastavić u Rasiju 1,8 młn t aŭtamabilnych bienzinaŭ.
