Ščučynskim rajonnym adździełam Śledčaha kamiteta raspačataja sprava pa fakcie naŭmysnaha zabojstva zaviedama sastarełaj asoby na padstavie č. 2 art. 139 KK.
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, 12 krasavika ŭ pryvatnym domie ŭ Ščučynie žančyna 1948 hoda naradžeńnia padčas svarki z maci 1924 hoda naradžeńnia źbiła sastarełuju žančynu rukami i nahami. Ad šmatlikich cialesnych paškodžańniaŭ taja pamierła na miescy.
Ustanoŭlena, što svarka, jakaja pryviała da zabojstva, była abumoŭlenaja niepryjaznymi adnosinami pamiž svajakami. Niezadoŭha da złačynstva sama achviara spravakavała ahresiju z boku dački.
Śledčyja vyśviatlajuć akaličnaści zdareńnia. Pryznačany šerah ekśpiertyz. Dapytvajucca svajaki i susiedzi padazravanaj i achviary, źbirajucca i vyvučajucca materyjały, jakija charaktaryzujuć ich asoby. Nivodnaja z žančyn da kryminalnaj i administracyjnaj adkaznaści nie pryciahvałasia.
Śledstva inicyjavała pierad prakuraturaj prymianieńnie ŭ dačynieńni da padazravanaj miery strymańnia ŭ vyhladzie źmiaščeńnia pad vartu.
