Fota: ImagineChina
Honščyk «Formuły-1» Ljuis Chemiłtan padčas śviatkavańnia čarhovaj pieramohi abliŭ supracoŭnicu aŭtadroma šampanskim, što nie spadabałasia baraćbitam z seksizmam i niekatorym karystalnikam sacsietak, raspaviadaje The Daily Mail.
Tradycyjna pieramožcam honak «Formuły-1» vydajecca butelka šampanskaha. Čaściej za ŭsio pieramožcy radasna ablivajuć šampanskim adzin adnoha, ale Chemiłtan skiravaŭ strumień u tvar dziaŭčynie z aŭtadroma.
Dziejańni honščyka (a dziaŭčyn jon ablivaŭ i da taho) raskrytykavała Roz Chardzi, dyrektar arhanizacyi Object, što zmahajecca z seksizmam. Jana zapatrabavała, kab Chemiłtan prynies dziaŭčynie publičnyja prabačenn, bo dziaŭčynie nie było čym abaranicca ad Chemiłtana, čym jon i skarystaŭsia. Vypadak aktyŭna abmiarkoŭvali ŭ sacsietkach pad chešteham #sexism.
Reakcyja honščyka na abvinavačańni nieviadomaja. Prynamsi, publičnych prabačeńniaŭ jon nie prynosiŭ.
Na momant publikacyi 30-hadovy Chemiłtan maje pieršaje miesca ŭ asabistym zaliku «Formuły-1» z 68 bałami. Na dvuch etapach z troch, što ŭžo prajšli ŭ biahučym siezonie, jon u składzie kamandy Mercedes zaniaŭ pieršaje miesca, na jašče adnym — druhoje.
