kp.by
Maci dvaich dziaciej, što patanuli ŭ vańnie, pradjaŭlenaje abvinavačvańnie.
«Staranna vyvučyŭšy sabranyja pa spravie dokazy, u tym liku i vysnovy ekśpiertaŭ, śledstvam pradjaŭlena abvinavačańnie ŭ zabojstvie abaich dziaciej», — paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
Ranicaj 8 krasavika, 25-hadovaja žančyna paviedamiła ŭ pravaachoŭnyja orhany ab śmierci svaich dziaciej. Prybyŭšy na miesca zdareńnia, milicyjaniery znajšli cieły trochhadovaha chłopčyka i adnahadovaj dziaŭčynki, patanułych u vańnie.
Jak paviedamlała kp.by, maci ŭžo 8 krasavika dała pieršyja pakazańni i pryznałasia ŭ zabojstvie syna. Pavodle jaje słoŭ, pozna ŭviečary jana kupała dačku i adłučyłasia da kampjutara. A kali viarnułasia, dziaŭčynka lažała pad vadoj, nie padajučy prykmiet žyćcia. Maci śćviardžała, što padumała, što jaje pasadziać za hibiel dački, tamu, kab nie pakinuć syna siratoj, vyrašyła jaho zabić. Jana pryniesła chłopčyka z pakoja i apuściła ŭ napoŭnienuju vadoj vannu. Pravioŭšy noč sa svaimi miortvymi dziećmi, ranicaj žančyna patelefanavała ŭ milicyju.
