Ažyŭleny ŭčastak trasy M 74 byŭ časova zakryty paśla taho, jak sabaka ŭziaŭ na siabie kiravańnie traktaram, havorycca ŭ paviedamleńni pra zatory ŭ Šatłandyi, apublikavanym upraŭleńniem darožnaj palicyi na admysłovaj staroncy ŭ «Tvitary».
Aŭčarka pa imi Don, jaki naležyć fiermieru Tomu Chemiltanu, vidać, abapiersia na panel kiravańnia traktara i vyvieŭ jaho na darohu.
Palicejskija i Chemiltan paśla vyzvaliili Dona z mašyny, jakaja ŭrezałasia ŭ adbojnik na raździalalnaj pałasie mahistrali.
Tom Chemiltan raspavioŭ, što adpraviŭsia na svaim traktary pravieryć aviečak u poli kala trasy M74 pad Abinhtanam u hrafstvie Paŭdniovy Łankašyr. Jak zvyčajna, jon uziaŭ z saboj kolli Dona, jaki siadzieŭ pobač ź im na pasažyrskim miescy.
Jon ahladaŭ jahnia, a kali paviarnuŭsia, ubačyŭ, što jaho mini-traktar z sabakam unutry prałamaŭ aharodžu i źjazdžaje pa nasypie na šašu.
Mašyna spyniłasia, tolki kali ŭrezarasia ŭ adbojnik, raźbiŭšy łabavoje škło.
Pa słovach Chemiltana, jon, vidać, zabyŭsia pastavić traktar na ručny tormaz, i vielmi rady, što nichto z kiroŭcaŭ nie paciarpieŭ. Fiermier taksama z radaściu daviedaŭsia, što Don abyšoŭsia lohkim spałocham.
Incydent vyklikaŭ ažyjataž u sacyjalnych sietkach: upieršyniu pra traktar pad kiravańniem sabaki paviedamili ŭ zapisie ab darožnym ruchu ŭ Šatłandyi ŭ sieradu, dadaŭšy: «Nie, heta nie žart».
Krychu paźniej u «Tvitary» stała viadoma pra praciah historyi: «Daroha volnaja paśla niadaŭniaha incydentu, a sabaka ŭ paradku. Heta samaja dziŭnaja reč, pra jakuju my kali-niebudź paviedamlali!»