Upieršyniu inaŭhuracyja mera horada adbyłasia publična. U joj mahli pryniać udzieł usie achvotnyja. Padobna na toje, što takaja prapanova pryjšłosia žycharam horada daspadoby — kala mosta sabralisia niekalki sotniaŭ čałaviek.
Na svaju inaŭhuracyju 40-hadovy R.Šymašus prybyŭ paśla pieršaha pasiadžeńnia haradskoj rady razam sa svajoj žonkaj Ahnie Matułajcie.
«Ja ŭjaŭlaju sabie Vilniu družalubnym horadam, jaki śmieła hladzić u budučyniu, źjaŭlajecca prykładam dla ŭsioj Litvy», — skazaŭ jon, vitajučy prysutnych.
Žychary horada vitali mera nie tolki apładysmientami, ale i padarunkami.
U svaju čarhu R.Šymašus, syšoŭšy sa sceny, razmaŭlaŭ i fatahrafavaŭsia z kožnym achvotnym, zaprašaŭ dałučycca da piknika, pačastavacca vajskovaj kašaj, kavaj.
Novy mer Vilni jašče pierad inaŭhuracyjaj skazaŭ, što, staŭšy meram, pierš za ŭsio zojmiecca kiravańniem municypalnymi kampanijami, dziciačymi sadami i skulpturami na Zialonym moście.
Jon publična padziakavaŭ byłoha meru Vilni A.Zuokasu i padzialiŭsia svaimi nadziejami.
«Ja vieru, što Vilenskaje samakiravańnie moža być i dziejsnym, i imklivym, i sumlennym, i ŭmiełym kantaktavać, prysłuchoŭvacca. Ja asabista chacieŭ by, kab Vilnia stała etałonam taho, jak možna dasiahnuć ambycyjnych metaŭ (…) Upeŭnieny, što Vilnia źmienicca ŭ lepšy bok», — skazaŭ jon.
