22-hadovy ŭradženiec Śvietłahorščyny Kirył Silivončyk pracavaŭ na «170-m ramontnym zavodzie srodkaŭ zabieśpiačeńnia palotaŭ». Ustanova funkcyjanuje pry kampanii «Avijaramont». U jaje radu dyrektaraŭ uvachodziać pieravažna funkcyjaniery rasijskaha Ministerstva abarony. Dyj pracuje zavod amal vyklučna na patreby armii.
Va ŭmovach tatalnaj antyŭkrainskaj prapahandy pohlady Silivončyka nie mahli nie pryciahnuć uvahu z boku jaho kaleh. Tym bolš, što staronka biełarusa ŭ sacsietkach była adkrytaj.
Nahadajem, što ŭ pačatku krasavika biełarus Kirył Silivončyk byŭ asudžany Maskoŭskim akruhovym vajskovym sudom. Jamu dali dva hady kałonii-pasialeńnia za post u sacyjalnych sietkach, jaki traktavali jak «zaklik da terarystyčnaj dziejnaści». U sudzie Jeŭraradyjo paćvierdzili, što pretenziju rasijskija śledčyja vysunuli da słovaŭ «Zabivaj maskaloŭ! Zładzim ruskim najmitam piekła na ich ziamli — uzarviem ich damy, zabjem ich siemji!»