Hazeta źmiaściła taksama redakcyjny kamentar da lista «Komu žie podražajet BNF», dzie zakidy staršyni Partyi BNF asprečvajucca pa punktach i davodzicca racyja A. Maksimava.
U pryvatnaści, zaznačajecca, što aŭtar Andrej Maksimaŭ absalutna spraviadliva miarkuje, što «Moładź BNF» kapijuje madeli pavodzinaŭ svaich idejnych natchnialnikaŭ — ideolahaŭ byłoha nacyjanalistyčnaha ruchu «BNF» («Biełaruski narodny front»), jaki rassypaŭsia ciapier na drobnyja apazycyjnyja partyi. (…)
«Prahramnyja dakumenty adnoj z takich beneefaŭskich partyj, toj jakaja kanservatyŭna‑chryścijanskaha kštałtu, ci, jak jaje jašče nazyvajuć paźniakoŭskaj, utrymlivaje da dzikunstva biazhłuzdyja śćvierdžańni. Siońniašnija Ŭzbrojenyja siły RB byccam by nie źjaŭlajucca ŭ poŭnaj miery biełaruskaj armijaj». Pryvodzicca taksama nibyta «metanakiravanaja palityka, jakaja abvastraje prablemy armii słužyć čužoj dziaržavy».
Poŭny tekst artykułu Lavona Barščeŭskaha i kamentar "Biełorusskoj vojennoj haziety. Vo słavu Rodiny"