U piatnicu 8 lutaha ŭ Hrodnie adbudziecca pakaz filma «Katyń» aŭtarstva znakamitaha polskaha režysiora Andžeja Vajdy. Pakaz adbudziecca ŭ miežach kampanii «Svabodnaje kino», jakuju zapačatkavaŭ Hrodzienski Ruch «Za Svabodu» ŭ sakaviku 2007 hoda ŭ hadavinu padziejaŭ na Kastryčnickaj płoščy ŭ Minsku.
Pakaz stužki Andžeja Vajdy stanie praciaham adznačeńnia «Hoda dziaržaŭnaści‑2008» u Hrodna.
Stužka apaviadaje pra trahiedyju zakatavanych savietami aficeraŭ polskaha vojska. Heta historyja pra žančyn, jakija čakali doma mužoŭ, synoŭ, baćkoŭ. Heta apovied pra ceły narod. Ale najpierš heta film pra intelihiencyju, jakaja zahinuła ŭ Katyni, što na Smalenščynie.
Na zahad, padpisany 5 sakavika 1940 hoda členami Palitbiuro kamunistyčnaj partyi, supracoŭnikami NKVD byli rasstralanyja 22 tysiačy pałonnych vajskoŭcaŭ, śviataroŭ — u tym liku i biełarusaŭ pavodle pachodžańnia. Doŭhija hady savieckaja prapahanda pierakonvała nas, što katynskaje złačynstva ździejśnili hitleraŭcy. I tolki ŭ 1990 hodzie Maskva pryznałasia da ździejśnienych u Katyni zabojstvaŭ.
Siarod zabitych u Katyni byli try hienierały. Adnaho ź ich zvali Branisłaŭ Bahatyrevič. Jon naradziŭsia ŭ Hrodnie ŭ biełaruskaj šlachieckaj siamji, u 1918‑1919 hadach arhanizavaŭ i ŭznačaliŭ adździeł miascovaj samaabarony, jaki potym byŭ pieraŭtvorany ŭ nacyjanalnuju biełaruska‑litoŭskuju dyviziju.
U filmie Vajdy hrajuć zorki polskaha kino, a taksama rasijski aktor Siarhiej Harmaš, jaki vykanaŭ rolu aficera NKVD. «Katyń» vyłučany na premiju «Oskara». Andžej Vajda źjaŭlajecca łaŭreatam «Oskara», vyšejšych uznaharodaŭ Kanskaha, Bierlinskaha, Hdyńskaha kinafiestyvalaŭ.
Film «Katyń» nazyvajuć adnym z najbolš asabistych filmaŭ polskaha režysera. Baćka Andžeja Vajdy byŭ u liku rasstralanych u Katyni.
Kinapraplad zapłanavany na piatnicu, 8 lutaha ŭ 18.00 pa adrasie Hrodna, Budzionaha 48a‑44 (Tavarystva Biełaruskaj Škoły).
Demanstracyja film adbudziecca na šyrokim ekranie z dobrym hukam.
