Ihar Mahazińnik, suzasnavalnik kampanii, jakaja vypuściła suśvietna viadomy internet-miesiendžar Viber, raspavioŭ 42.TUT.BY pra svajo staŭleńnie da sproby manietyzacyi Viber ŭ Biełarusi i pra sakretny prajekt, u jakim udzielničajuć biełaruskija prahramisty.
Ihar Mahazińnik na respublikanskim forumie «Moładź u IT — 2015», jaki prajšoŭ u Parku vysokich technałohij. Fota TUT.BY
Pra sproby manietyzavać Viber ŭ Biełarusi
Jak viadoma, Minsuviazi Biełarusi aktyŭna prasoŭvaje pytańnie ab manietyzacyi papularnych internet-miesiendžaraŭ u Biełarusi. Uzajemadziejańnie biełaruskich apierataraŭ sa Skype, Viber i inšymi siervisami płanujecca abmierkavać da kanca červienia na čarhovym pasiadžeńni ekśpiertnaha savieta pa raźvićci pradprymalnictva pry Ministerstvie suviazi i infarmatyzacyi.
Viadoma i toje, što manietyzavać pasłuhi Skype i Viber ŭ Biełarusi čynoŭniki płanujuć za košt abanientaŭ sotavych apierataraŭ.
Pa słovach Mahazińnika, na adras Viber pakul nie pastupała nijakich zapytaŭ ad Minsuviazi ci jakoha inšaha biełaruskaha viedamstva. Što pra mahčymuju manietyzacyju, to jon raspavioŭ, što ŭ šerahu nievialikich krain užo byli padobnyja sproby, ale ŭsie jany ŭ vyniku pravalilisia.
Ihar adznačyŭ, što jon zaŭsiody vystupaŭ za sietkavuju niejtralnaść: «Kali ja kupiŭ u apieratara miehabajt, to heta ŭžo majo prava, jak jaho vykarystać». Pavodle jaho, zakony nakont «sietkavaj niejtralnaści» užo aktyŭna prymajucca ŭ mnohich krainach.
Pra sakretny prajekt
Naprykancy krasavika źjaviłasia infarmacyja pra toje, što zasnavalniki Viber aktyŭna pracujuć nad novym prajektam, jaki zaklikany «źmianić śviet». Usie padrabiaznaści pra jaho trymajucca ŭ sakrecie.
Nie zachacieŭ raskryvać infarmacyju Ihar i ciapier: «Adzinaje, što mahu skazać, heta štości, zusim nie źviazanaje z Viber i ŭsioj hetaj śfieraj».
Zrešty, u Viber i novaha prajekta jość ahulnyja rysy — asnoŭnaja kolkaść raspracoŭščykaŭ budzie znachodzicca ŭ Minsku. Na dadzieny momant jany ŭžo nabrali 12 čałaviek (u tym liku kiraŭnika), i ŭ niadzielu adbudziecca adkryćcio minskaha ofisa prajekta (dzie mienavita, jon nie raspavioŭ). Krychu paźniej ofis źjavicca ŭ Izraili.
Pavodle Mahazińnika, novy prajekt — heta nie štości novaje, i im pryjdziecca sutyknucca z surjoznaj kankurencyjaj. Što za prajekt, my daviedajemsia davoli chutka — pokryva tajamnicy zdymuć ŭ pačatku nastupnaha hoda.
