Ciopłaje i kamfortnaje nadvorje ŭstalujecca ŭ Biełarusi na biahučym tydni.
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U aŭtorak, 19 maja, umovy nadvorja ŭ asnoŭnym budzie vyznačać vobłaść pavyšanaha atmaśfiernaha cisku. Budzie pieravažna biez apadkaŭ. Nočču tempieratura pavietra składzie plus 1-6 hradusaŭ, u mnohich rajonach na hlebie i miescami ŭ pavietry mahčymy zamarazki da nula — minus 3 hradusaŭ. Dniom paŭnočnyja viatry źmieniacca na paŭdniovyja, pastupova pačnie pastupać bolš ciopłaje pavietra paŭdniovych šyrot. Tempieratura pavietra składzie ad 15 da 21 hradusa ciapła, a pa paŭdniovym zachadzie - da plus 24 hradusaŭ.
Z sierady nadvorje pa paŭdniovym uschodzie krainy budzie vyznačać pole pavyšanaha cisku, pa paŭnočnym zachadzie i ŭ centralnych rajonach — atmaśfiernyja franty.
Pa ich pieryfieryi ŭ Biełaruś budzie pastupać pavietra ź Mižziemnaha mora. Nočču pa paŭnočnym zachadzie, a dniom i ŭ centralnych rajonach čakajucca karotkačasovyja daždžy. Miescami prahrymiać navalnicy, dniom pry navalnicach prahnazujecca ŭzmacnieńnie vietru paryvami da 15—20 m/c.
Tempieratura pavietra nočču składzie plus 6—13 hradusaŭ, pa paŭdniovym zachadzie — da plus 15 hradusaŭ. Dniom pavietra prahrejecca da 21—28 hradusaŭ ciapła, pa paŭnočnym zachadzie budzie chaładniej — plus 17-20 hradusaŭ.
U čaćvier, 21 maja, u paŭnočna-zachodnich i centralnych rajonach projduć karotkačasovyja daždžy. Miescami mahčymy navalnicy, dniom pry navalnicach uzmacnieńnie vietru paryvami da 15-20 mietraŭ u siekundu. Tempieratura pavietra nočču składzie plus 10-17 hradusaŭ, dniom budzie ad plus 14 pa paŭnočnym zachadzie da plus 29 hradusaŭ pa paŭdniovym uschodzie krainy.
U piatnicu-subotu ŭ paŭnočna-zachodnich i centralnych rajonach projduć karotkačasovyja daždžy, miescami prahrymiać navalnicy. Tempieratura pavietra nočču składzie plus 9—16 hradusaŭ, dniom čakajecca ad plus 14 pa paŭnočnym zachadzie da plus 28 hradusaŭ pa paŭdniovym uschodzie krainy.
U niadzielu, 24 maja, miescami projduć karotkačasovyja daždžy, navalnicy. Tempieratura pavietra nočču — plus 9—16 hradusaŭ, dniom — 20—27 hradusaŭ ciapła, pa paŭnočnym zachadzie budzie chaładniej — plus 16—19 hradusaŭ.
U paniadziełak u Minsku prajšoŭ hrad, twitter.com/janych82
