Fota: psicologiasistemica.net
U aficyjnym błohu Biełaha doma 17 maja źjaviłasia hałavałomka, nad vyrašeńniem jakoj internaŭty bjucca dahetul. Jaje apublikavaŭ Ed Fełtan, namieśnik dyrektara pa technałohijach administracyi Baraka Abamy.
Umovy zadačy:
Bob i Elis hulajuć u hulniu. Jany vyjhrajuć ci prajhrajuć razam. Pierad pačatkam hulni jany mohuć damovicca ab stratehii, ale kali hulnia pačniecca, jany nie zmohuć nijak kantaktavać.
Kali hulnia pačynajecca, jany padkidvajuć manietki i zanatoŭvajuć, što vypała — aroł ci reška. Elis sprabuje adhadać, što vypała ŭ Boba, a Bob — što vypała ŭ Elis. Svaje zdahadki jany zapisvajuć.
Kali choć adzin ź ich adhadaŭ, što vypała ŭ inšaha, vyjhrajuć abodva. Kali nie adhadali abodva — kamanda prajhraje.
Zadača — sfarmulavać takuju stratehiju, pry jakoj kamanda vyjhravała by zaŭsiody.
Naprykład, kali i Bob, i Elis buduć štoraz zapisvać «aroł», jany vyjhrajuć tolki ŭ 75% vypadkaŭ. Taki adkaz niapravilny.
Fełtan prapanuje čakać padkazak u svaim tvitary.
***
Ed Fełtan zajmajecca prahramavańniem z 1977 hoda. Jon adznačaje, što adnym z pryjarytetaŭ administracyi Abamy jość nadańnie dostupu da kampjutaraŭ kožnamu školniku ŭ krainie, a sam Abama staŭ pieršym prezidentam-prahramistam. Ale prahramavańnie — heta nie tolki napisańnie kodu, ale i sacyjalnaja kaapieracyja, u jakoj prychodzicca vyrašać padobnyja zadačy.
Razhadajcie taksama: Łahičnaja zadača dla 14-hadovych «złamała mozh» karystalnikam Facebook
