Pra heta siońnia žurnalistam zajaviŭ premjer-ministr Andrej Kabiakoŭ, padvodziačy vyniki vizitu ŭ Kazachstan, dzie na palach pasiadžeńnia Rady kiraŭnikoŭ uradaŭ SND adbylisia dvuchbakovyja sustrečy.
U Kazachstanie Andrej Kabiakoŭ pravioŭ pieramovy z rasijskim premjer-ministram Dźmitryjem Miadźviedzievym. Pavodle słoŭ kiraŭnika biełaruskaha ŭrada, rasijski bok płanuje całkam vykanać raniej uziatyja na siabie abaviazacielstvy ab mahčymaści refinansavańnia płaciažoŭ, jakija Biełaruś sioleta ažyćciaŭlaje pa źniešnich daŭhach pierad Rasijskaj Fiederacyjaj.
U cełym dvuchbakovyja sustrečy ŭ Kazachstanie Andrej Kabiakoŭ acharaktaryzavaŭ jak vielmi źmiastoŭnyja, nakiravanyja, pierš za ŭsio, na raźvićcio handlova-ekanamičnaha, inviestycyjnaha supracoŭnictva. Kiraŭnik biełaruskaha ŭrada vykazaŭ upeŭnienaść, što «ŭ bližejšy čas heta daść peŭny vynik».
