Viarchoŭnaja Rada pryniała zakon, jakim dazvalajecca zaprašać va Ukrainu vojski zamiežnych dziaržaŭ dla praviadzieńnia mižnarodnych apieracyj pa padtrymańni miru.
Za adpaviedny zakon prahałasavali 240 narodnych deputataŭ u čaćvier.
U pryvatnaści, u dziejučy zakon ab znachodžańni padraździaleńniaŭ zamiežnych vojskaŭ na terytoryi Ukrainy dadali punkt, jaki praduhledžvaje, što takija vojski mohuć być dapuščanyja va Ukrainu dla «pradastaŭleńnia Ukrainie, pa jaje prośbie, dapamohi ŭ vyhladzie praviadzieńnia na jaje terytoryi mižnarodnaj apieracyi pa padtrymańni miru i biaśpieki na padstavie rašeńnia AAN i/abo ES «.
Pry hetym zakonam zabaranili ŭdzielničać u takich apieracyjach krainam, jakija «raźviazvajuć suprać Ukrainy ŭzbrojenuju ahresiju», što vyklučaje ŭdzieł u miratvorčych apieracyjach Rasiju.
Jak viadoma, Viarchoŭnaja Rada pryznała Rasiju krainaj-arhresaram z-za niezakonnaj anieksii Kryma i raźviazvańnia ahresii na Danbasie.
Ukraina vystupaje ź inicyjatyvaj uvieści na Danbas miratvorcaŭ AAN abo palicejskuju misiju ES.