U instrukcyi da aŭtamata BMI Gaming vydańnie Vox znajšło nałady častaty vyjhryšaŭ. Pradstaŭniki industryi paćvierdzili ŭ časopisie Vending Times fakt naładaŭ u anałahičnych mašynach.
Krany-klušni daloka nie zaŭsiody ściskajuć cacku na poŭnuju siłu. Hetaja siła rehulujecca tak, kab hulec mieŭ šaniec vyjhrać cacku tolki raz na niekalki dziasiatkaŭ hulniaŭ.
Hety paramietr dazvalaŭ pavialičyć prybytak nie tolki naŭprost, ale i ŭskosna. Aŭtamat možna było naładzić tak, kab spačatku jon davaŭ bolšyja šancy pieramohi i vabiŭ klijentaŭ, a zatym łaviŭ cacki ŭsio radziej. Niekatoryja aŭtamaty zdolnyja padstrojvacca pad vyniki hulca.
Amierykanskija zakony nie zabaraniajuć takoje «machlarstva», a rehulujuć tolki canu vyjhryšaŭ. Jak śćviardžajuć pradstaŭniki industryi, jany samastojna zajmajucca rehulavańniem «ščyraści» aŭtamataŭ i ruchajucca ŭ bok taho, kab aŭtamaty byli na 100% spraviadlivymi.
Instrukcyja da aŭtamata BMI Gaming tym časam była vydalenaja z sajta vytvorcy.
