Džym Bojsen. Fota: The Independent
Lekary Chjustanskaha mietadyčnaha špitala i ankałahičnaha centru imia Andersana ŭ Techasie, ZŠA, zrabili pieršuju ŭ historyju apieracyju pa častkovaj pierasadcy čerapu i skury čałavieku, piša The Independent.
Donara šukali paŭtara hoda, u 15-hadzinnaj apieracyi ŭziali ŭdzieł 12 daktaroŭ i 40 asistentaŭ.
Pacyjentam staŭ 55-hadovy techasiec Džym Bojsen. Razam z abnoŭlenym čerapam jon atrymaŭ novuju nyrku i novuju padstraŭnikavuju załozu.
U 1992 hodzie jon pieranios pierasadku padstraŭnikavaj załozy dziela lekavańnia dyjabietu, ad jakoha ciarpieŭ z 5 hod. Imunapadaŭlalnyja leki, nieabchodnyja paśla pierasadki donarskich orhanaŭ, vyklikali redkuju formu raku — lejmiasarkomu (złajakasnuju puchlinu hładkich ciahlic). Radyjoterapija, jakoj lekavali rak, razburyła častku jaho čerapu, a rany drenna zažyvali praz tyja samyja imunapadaŭlalnyja leki, praz što jon nie moh atrymać novuju padstraŭnikavuju załozu — staraja donarskaja pačała davać zboi.
«Heta byŭ daskanały štorm, jaki nie dazvalaŭ ranam zažyvać», — apisvaje svoj stan Bojsen. Ciapier, mahčyma, jon zmoža vieści narmalny ład žyćcia.
Bojsen vykazaŭ padziaku siamji donara za toje, što atrymaŭ nie tolki čerap, ale i skuru, jakaja navat padyšła pa kolery. «Ciapier u mianie navat bolš vałos, čym było ŭ 21 hod», — śmiajecca jon.
Raniej lekary ź Niderłandaŭ pravodzili pierasadku zroblenaj na 3D-pryntary častki čerapa, ale techaski vypadak — pieršaja apieracyja pa pierasadcy takoha kštałtu donarskaha orhana.
Čytajcie taksama: Navukoŭcy vyraścili łapku pacuka z žyvych kletak
