Skulptury Kanstancina Kaściučenki (źleva) i Paŭła Vajnickaha
Pieršaja ŭ Minsku vystava vuličnych instalacyj «Art-astravy» adkryjecca na vostravie Kamsamolcaŭ u čaćvier, 18 červienia. Pad adkrytym niebam buduć vystaŭlenyja 14 instalacyj 11 biełaruskich skulptaraŭ.
Uračystaje adkryćcio «Art-astravoŭ» adbudziecca a 18-j hadzinie. Naviednikaŭ čakaje biaspłatnaja ekskursija pa instalacyjach, vystup vuličnych artystaŭ i kancert arkiestru «Niamiha».
Svaje raboty vystaviać Kanstancin Sielichanaŭ, Kanstancin Kaściučenka, Michaił Šykaŭ, Pavieł Vajnicki, Valeryj Małachaŭ, Vadzim Mackievič, Ihar Lavonćjeŭ, Dzianis Barsukoŭ, Taćciana Homza, Piotr Kuźmič i Viktar Aster.
Vystava praciahniecca da kanca leta dy zakryjecca tolki paśla śviatkavańnia Dnia horada 14 vieraśnia. Uvachod biaspłatny. Arhanizatary čakajuć za ŭvieś čas nie mienš za miljon naviednikaŭ — jak minčukoŭ, tak i haściej stalicy.
