Krainy Jeŭrasajuza ŭzhadnili padaŭžeńnie ekanamičnych sankcyj, uviedzienych suprać Rasii z-za roli Maskvy ŭ kryzisie va Ukrainie, jašče na šeść miesiacaŭ.
Rašeńnie ab padaŭžeńni sankcyj da kanca studzienia 2016 jašče pavinna być uchvalenyja ministrami zamiežnych spraŭ krain-členaŭ ES na sustrečy ŭ paniadziełak, adnak čakajecca, što heta tolki farmalnaść i jaho zaćviardžeńnie adbudziecca biez abmierkavańniaŭ.
Adzin z čynoŭnikaŭ ES paviedamiŭ Bi-bi-si, što na siońniašniaj sustrečy ŭ Brusieli taksama było vyrašana padoŭžyć zabaronu na inviestycyi ŭ Krym jašče na hod.
Abmiežavalnyja miery ŭ dačynieńni da Maskvy byli ŭviedzienyja ŭ niekalki etapaŭ z boku ZŠA, Jeŭrasajuza i jašče šerahu krain.
Nahodaj dla takoha rašeńnia stała spačatku anieksija Kryma, a zatym kanflikt na ŭschodzie Ukrainy. Termin dziejańnia sankcyj pavinien byŭ skončycca ŭ lipieni 2015 hoda.
Maskva paśladoŭna admaŭlaje niepasrednuju datyčnaść da ŭkrainskaha kanfliktu. Padaŭžeńnie sankcyj rasijskija čynoŭniki ŭspryniali spakojna.
