Devid Polik. Fota The Birmingham News.
Pavodle infarmacyi «Našaj Nivy», novy rektar EHU Devid Polik dahetul nie padpisaŭ kantrakta z univiersitetam i atrymlivaje našmat bolšy zarobak pa minułym kantrakcie. Toje, što padobnaja situacyja maje miesca va ŭniviersitecie, u sieradu «Našaj Nivie» paćvierdziŭ kiraŭnik (Chief of Staff) ofisa hienieralnaha sakratara Paŭnočnaj Rady ŭ Vilni Kienet Broman (Paŭnočnaja Rada kiruje daviernym fondam EHU).
Adnak siońnia pres-słužba EHU abvierhła infarmacyju ab tym, što Polik dahetul nie padpisaŭ kantrakt i atrymlivaje zarobak vyšejšy za praduhledžany.
«Infarmacyja, jakaja źjaviłasia 17 červienia ŭ biełaruskich miedyja, niapravilnaja. Na samoj spravie, novaja damova z praf. Devidam Polikam była padpisanaja 3 krasavika 2015 h. Zhodna z hetaj damovaj, zarobak Rektara EHU budzie składać 5000 jeŭra ŭ miesiac. Kiraŭničaja Rada EHU pakidaje za saboj prava vypłacić Rektaru EHU dadatkovuju premiju ŭ pamiery da 30 000 jeŭra za hod paśla 12 miesiacaŭ pracy», — cytujecca ŭ paviedamleńni zajava doktara Daniela Taršysa, staršyni Kiraŭničaj rady EHU.
Kienet Broman paćvierdziŭ «Našaj Nivie», što jon taksama maje infarmacyju, što kantrakt padpisany.
