Start pracy vizavaha centra Hrecyi ŭ Minsku pieranosiłasia niekalki razoŭ. Ale ŭžo z 22 červienia jon pačnie absłuhoŭvać klijentaŭ, raspaviali ŭ daviedačnaj słužbie kampanii VFS Global. Jon adkryjecca pa vulicy Čyhunačnaj, 33 na pieršym paviersie biźnies-centra SV-Plaza.
Karotkaterminovaja turystyčnaja viza budzie kaštavać 3 480 rasijskich rubloŭ (siońnia kurs 282,67 biełaruskich za adzin rasijskich). Apłačvać zbor daviadziecca tolki ŭ hetaj valucie, bo afarmleńnie dakumientaŭ robicca praz konsulski adździeł u Maskvie.
Servisny zbor za pasłuhi vizavaha centra składzie 28 jeŭra. Jon vypłačvajecca ŭ biełaruskich rublach pavodle kursa Nacbanka na dzień padačy dakumientaŭ (siońnia heta 489 tysiač rubloŭ).
U abaviazkovy pakiet dakumientaŭ dla atrymańnia vizy ŭvachodziać ankieta, fotazdymak, pašpart i kopii jaho apošnich staronak, miedstrachoŭka, daviedka ab dachodach, prajaznyja dakumienty i broń hatela.
«Hatel možna zamović i samastojna praź internet-servisy pa braniravańni. Ale pražyvańnie pavinna być zahadzia apłačana jak minimum na 30%», — kažuć u vizavym centry.
U siarednim razhlad dakumientaŭ zajmaje piać rabočych dzion, nie ličačy dnia padačy.