Ukrainskaja vajennaja prakuratura dała bajcam rasfarmavanaj roty «Tarnada» dva dni na toje, kab skłaści zbroju.
Hałoŭny vajenny prakuror Ukrainy Anatol Macijos pryhraziŭ, što ŭ vypadku admovy zdacca bazu, na jakoj zabarykadavalisia bajcy «Tarnada», voźmuć šturmam.
Pa słovach Macijosa, u ciapierašni čas na bazie znachodziacca kala 170 čałaviek, pryčym u 43 ź ich jość sudzimaść. Baza ŭmacavanaja i zaminiravanaja, adnak prakuratura ŭsio roŭna hatovaja addać zahad ab jaje šturmie.
Pry hetym raniej u MUS paabiacali, što šturmu bazy nie budzie. Pres-sakratar viedamstva paviedamiŭ, što situacyju ŭdałosia razradzić i stralać u svaich nichto nie budzie. U svaju čarhu pradstaŭniki roty paviedamili, što hatovyja skłaści zbroju na praciahu miesiaca.
Skandał vakoł roty «Tarnada» pačaŭsia z aryštu ŭ sieradu vaśmi vajskoŭcaŭ, jakija padazrajucca ŭ zabojstvach, vykradańniach ludziej i vymahalnictvie.
Kiraŭnik Łuhanskaj vobłaści Hienadź Maskal paśla hetaha paraŭnaŭ rotu z AZH i zapatrabavaŭ jaje razzbroić. Adnak sami bajcy admovilisia skłaści zbroju i zamknulisia na bazie ŭ Łuhanskaj vobłaści.
