18 červienia zahinuŭ 33-hadovy rabočy presavaha ŭčastka kampanii «AluminTechna» Vital Vołčak. Pra heta TUT.BY paviedamiŭ znajomy zahinułaha.
Pavodle jaho infarmacyi, u siaredzinie dnia adbyŭsia vybuch hazapavietranaj sumiesi i maładoha čałavieka «zabiła vybuchovaj chvalaj, kali jon sprabavaŭ niešta zrabić, nahnuŭšysia da vychadu aluminijevaha profilu z matrycy».
U subotu adbyłosia pachavańnie zahinułaha rabočaha. U jaho zastalisia žonka i dvoje małych dziaciej.
Minskim rajonnym addziełam Śledčaha kamiteta pravodzicca Daśledčaja pravierka pa fakcie hibieli rabočaha. Pryznačana sudova-miedycynskaja ekśpiertyza, apytvajucca vidavočcy. Papiarednie - mieła miesca parušeńnie techniki biaśpieki, paviedamili ŭ SK.
