Suma ŭznaharodžańniaŭ pa licenzijnych dahavorach na abjekty pramysłovaj ułasnaści za 2014 skłała bolš za 350 miljardaŭ rubloŭ, ci 20 miljonaŭ dalaraŭ. Pra heta stała viadoma na pres-kanfierencyi ŭ honar Dnia vynachodnika i racyjanalizatara.
— Hetaja ličba tyčycca tolki tych damovaŭ, jakija byli padadzienyja praz naš centr, — patłumačyła Iryna Rudakova, načalnica adździeła rehistracyi i ekanomiki pramysłovaj ułasnaści NCIU. — Damova rehistrujecca, kali ŭładalnik pravoŭ na abjekt pramysłovaj ułasnaści pieradaje kamu-niebudź pravy na jaho — na čas abo nazaŭsiody. Hetaja ličba ŭklučaje ŭ siabie i dahavory jak ź biełaruskimi zajaŭnikami, tak i ździełki z pradstaŭnikami inšych krain.
U 2014 hodzie ŭ Nacyjanalnym centry intelektualnaj ułasnaści zarehistravali 757 zajavak na patenty na vynachodnictvy. Heta našmat mienš za pakazčyk 2013 — tady było padadziena 1634 zajavak. Taksama źmienšyłasia i kolkaść zajavak na patenty na karysnyja madeli: 485 madelaŭ ŭ 2014 hodzie suprać 1146 — u 2013.
— Heta moža być źviazana z tym, što ŭ 2014 hodzie była źmienienaja patentavaja pošlina, — raspaviała Iryna Rudakova. - Jaje pamier istotna ŭzros, ciapier jana pryviazanaja da kursu dalara.
