Kaciaryna Nianašava tryccać dzion nasiła turemnuju robu. U formie aryštantki jana robić zvykłyja dla luboha maskviča rečy — abiedaje ŭ kaviarniach, jeździć u mietro, zdaje ispyty va ŭniviersitecie ci špacyruje pa parkach. Aktyvistka takim čynam choča pryciahnuć uvahu da prablem sacyjalizacyi žančyn, jakija prajšli praz turmy.
Tut i dalej: fota z fejsbuka Kaciaryny
Siońnia, na zakančeńnie akcyi, Nianašava pahaliłasia na Krasnaj płoščy i była zatrymana. Heta ŭžo druhi raz, kali dziaŭčyna akazvajecca ŭ palicyi — 12 červienia, u dzień Rasii, jana razam z Nadziaj Tałakońnikavaj z Pussy Riot šyła «trykałor», abiedźvie dziaŭčyny byli ŭ robach.
Za miesiac Nianašava sutykałasia z absalutna roznaj reakcyjaj minakoŭ — ź joj nieachvotna razmaŭlali, prystavali albo pytalisia, ci sapraŭdy aryštavanych adpuskajuć na vychodnyja dadomu. Ahułam, takaja akcyja pakazała i žycharam horada, i joj samoj, jak ciažka hramadstva hatovaje prymać ludziej, jakija adbyvali pakarańnie. Pračytać spravazdaču z kožnaha dnia možna ŭ jaje fejsbuku.
bloknot.ru
U Rasii bolš za 600 tysiač ludziej utrymlivajecca ŭ kałonijach, ź ich 8% — žančyny.
