Biełaruskaja kampanija Wargaming ŭ partniorstvie z Google stvaryła kruhavyja panaramy ŭnutranaj prastory papularnych tankaŭ hulni World of Tanks: T-34-85, M4A3E8 Sherman, Chieftain, Leopard 1 i Type 59.
Vyjavy źniatyja ŭ Muziei tankaŭ u Bovinhtanie (Vialikabrytanija) na kamiery GoPro HERO4 c prymianieńniem technałohii Google dla pakazu ŭ šlemach virtualnaj realnaści. Pry najaŭnaści smartfona z 6-calevym ekranam karystalnik moža sabrać hadžet pa instrukcyi samastojna. Dla prahladu treba spampavać prahramu Littlstar.
Virtualnyja ekskursii taksama dastupnyja i dla zvyčajnych ekranaŭ smartfonaŭ, płanšetaŭ i kampjutaraŭ — adnak u hetym vypadku dla prahladu dastupnyja tolki try tanki. Demanstracyja interjeraŭ supravadžajecca apaviadańniami navukovych kansultantaŭ hulni World of Tanks. Viadučyja ŭ styli pieradačy Top Gear abmiarkoŭvajuć asnoŭnyja ŭłaścivaści tankaŭ, pry hetym karystalnik moža ahladać interjer tanka ŭ advolnym napramku. Tłumačeńni pradublavanyja na ruskaj movie.
Niamiecki tank Leopard 1 u kanadskaj madyfikacyi:
Kitajski Type 59 (skapijavany z T-55) pachvalili za ciesnatu:
A hety tank Shermann paznajuć nie tolki hulcy, ale i prychilniki filma «Lutaść» z Bredam Pitam:
