«Kali ja ŭvajšoŭ u tvitar hetym rankam», — akcior Džordž Takiej da «viasiołkavaha» fłešmobu. Vyjava: @GeorgeTakei via Twitter
Paśla naviny pra lehalizacyju adnapołych šlubaŭ u Złučanych štatach na fiederalnym uzroŭni Facebook, Twitter i inšyja sacsietki litaralna zaliła viasiołkavymi kolerami — mnohija karystalniki zamianiali avatary ŭ znak salidarnaści z adnapołymi parami. U suśvietnym «viasiołkavym» fłešmobie ŭziali ŭdzieł i biełarusy. Viasiołkavym staŭ navat Bieły dom — nie ŭ sacsietkach, nažyvuju.
«Viasiołkavaści» sacsietak paspryjała najbujniejšaja ź ich — Facebook prapanavaŭ lohki instrumient pa nakładańni na avatarku karystalnika paŭprazrystaha viasiołkavaha płasta.
Niekatoryja biełarusy śćviardžajuć, što Biełaruś maje bolš važnyja prablemy za lehalizacyju adnapołych šlubaŭ u dalokaj krainie za akijanam. Na «viasiołkavy» fłešmob jany prapanavali adkazać bieł-čyrvona biełym.
Karystalniki Facebook śćviardžajuć, što trend zadaŭ fatohraf Jaŭhien Hrabkin. Žurnalist Viačasłaŭ Radzivonaŭ u svaju čarhu stvaryŭ lohki instrumient pa nakładańni bieł-čyrvona-biełaha płasta na avatarki — skarystacca im možna pa adrasie rdnv.me/avatars.
Tak, naprykład, ciapier vyhladaje avatarka elektryka Paŭła Batujeva:
Kab zrabić avatar bieł-čyrvona-biełym, dastatkova zahruzić na sajt svajo fota pamieram da 2 Mb, zachavać vynik na kampjutar i zahruzić u sacsietku jak zvyčajnaje fota.
Karcinka, zapampavanaja dla prykładu na rdnv.me/avatars
Vynik raboty rdnv.me/avatars
