MVF aficyjna paćvierdziŭ, što Hrecyja nie vypłaciła ŭ termin doŭh u pamiery 1,6 młrd jeŭra (1,8 młrd dalaraŭ) paśla taho, jak ministry finansaŭ jeŭrazony admovilisia padoŭžyć prahramu finansavaj dapamohi.
«My paviedamili vykanaŭčaj radzie, što Hrecyja maje praterminoŭku zapazyčanaści i moža atrymać finansavańnie MVF tolki paśla taho, jak doŭh budzie vypłačany», — skazaŭ pradstaŭnik MVF Džery Rajs.
U toj ža čas ministry jeŭrazony zajavili, što abmiarkujuć prapanovu Hrecyi ab novym płanie pa vychadu z kryzisu.
Hrecyja — pieršaja raźvitaja kraina, jakaja nie zmahła pahasić kredyt MVF i ciapier aficyjna maje praterminoŭku zapazyčanaści.
Vykazvajucca aściarohi, što ŭ kančatkovym vyniku heta moža pryvieści da defołtu i vychadu Hrecyi ź jeŭrazony.
