Ukrainskija ŭłady departavali žurnalistku rasijskaha Pieršaha kanała Alaksandru Čarapninu za «antyŭkrainskuju dziejnaść», paviedamili ŭ Słužbie biaśpieki Ukrainy.
Jak zajavili ŭ SBU, Čarapnina atrymała zabaronu na ŭjezd na terytoryju Ukrainy terminam na try hady.
Pres-sakratar SBU Alena Hitlanskaja patłumačyła, što Čarapnina «sprabavała źniać padstaŭny rolik, jaki budzie dyskredytavać ukrainskuju ŭładu».
Infarmacyju ab departacyi paćvierdziŭ namieśnik hienieralnaha dyrektara Pieršaha kanała Kirył Klajmionaŭ, jaki zajaviŭ, što ranicaj u sieradu žurnalistka nie vyjšła na suviaź z maskoŭskaj redakcyjaj, a jaje kaleha-apieratar znajšoŭ pustuju kvateru, u jakoj raniej žyła Čarapnina.
«Naš karespandent [paźniej] vyjšła na suviaź i paviedamiła, što jaje vysyłajuć samalotam z Kijeva. Heta była departacyja, padobnaja na vykradańnie», — ličyć Klajmionaŭ.
Ukraina nie pieršy raz zabaraniaje ŭjezd rasijskim žurnalistam. U kancy 2014 hoda pad zabaronu patrapili 83 karespandenty.
