U Jeŭrasajuzie mohuć razhledzieć vyniki novaha refierendumu pa Krymie, kali jon projdzie pad nahladam ABSIE. Pra heta zajaviła vysokapastaŭlenaja jeŭrapiejskaja krynica.
«Kali heta budzie zroblena pry zachavańni mižnarodnaha zakanadaŭstva, pry nazirańni ABSIE, mahčyma, my pryhledzimsia [da vynikaŭ refierendumu]», — zajaviła krynica, adkazvajučy na pytańnie ab vykazanaj na Zachadzie ekśpiertami idei praviadzieńnia novaha refierendumu pa Krymie i ab mahčymaści pryznańnia jaho vynikaŭ.
Nielehitymny refierendum ab statusie Aŭtanomnaj Respubliki Krym adbyŭsia 16 sakavika 2014 h. Jon byŭ praviedzieny z dapamohaj rasijskich vajskoŭcaŭ. Pa abvieščanych arhanizatarami vynikach refierendumu, za dałučeńnie da Rasii ŭ Krymie (akramia Sievastopala) nibyta prahałasavała 96,77% udzielnikaŭ hałasavańnia, u - Sievastopali 95,6%.
Bolšaść krain śvietu nie pryznała vyniki refierendumu, bo jon pravodziŭsia nie ŭ adpaviednaści z Kanstytucyjaj Ukrainy.
