Ličbavaje ahienctva T3 raspracavała dla papularnaha servisu znajomstvaŭ Tinder prahramu dla naručnych hadzińnikaŭ Hands-Free Tinder.
Kab paznačyć, što fota čałavieka vam spadabałasia ci nie spadabałasia, nie treba ničoha naciskać. Vaš razumny hadzińnik (Apple Watch ci luby na Android Wear) zrazumieje heta pa vašym pulsie.
Tinder pakazvaje karystalniku fota patencyjnych partnioraŭ pablizu — para musić «łajknuć» fota adzin adnoha, tady adkryjecca čat, dzie možna paznajomicca bližej. Kali ad fota dziaŭčyny ci chłopca vaš puls padskočyć, prahrama naciśnie «padabajecca», kali spadzie — «nie padabajecca».
Raspracoŭščyki abiacajuć vypuścić prahramu ŭ App Store i Play Store «u chutkim časie». Pra ich suviaź z raspracoŭščykami Tinder ničoha nie viadoma, jak nieviadoma i pra viersiju dla smartfonaŭ (jany mohuć mierać puls z dapamohaj uspyški).
Tinder zapuściŭsia jak vyklučna mabilnaja prahrama ŭ 2012 hodzie. Na siońnia jon maje pa ŭsim śviecie 24 młn karystalnikaŭ, aktyŭnych štomiesiac, pracuje ŭ tym liku ŭ Biełarusi i Antarktydzie.
