Fota: NASA-JHUAPL-SwRI
Mižpłanietnaja stancyja New Horizons sfatahrafavała na najvialikšym spadarožniku Płutona Charonie niezvyčajnuju strukturu — upadzinu z vypukłaściu ŭ centry, paviedamlaje NASA.
Hara va ŭpadzinie maje, miarkujučy pa fota, vyšyniu ŭ niekalki socień mietraŭ. Sfatahrafavany ŭčastak, jak paviedamlajecca, maje daŭžyniu 390 kiłamietraŭ.
Zdymak byŭ atrymany z adlehłaści 79 tysiač kiłamietraŭ ad pavierchni Charona za paŭtary hadziny da maksimalnaha zbližeńnia z Płutonam.
Pachodžańnie «pryščyka» niavyznačanaje. Pobač ź im zaŭvažnyja kratary, ale ŭ dastatkova małoj kolkaści, što dazvalaje kazać pra aktyŭnyja hieałahičnyja pracesy na Charonie. Uzrost krataraŭ aceńvajecca ŭ 100 młn hod.
Heta nie pieršaja niezvyčajnaja hieałahičnaja struktura, znojdzienaja na Charonie: dniom raniej navukoŭcy pabačyli na fota New Horizons «Mordar» — ciomnuju vobłaść la paŭnočnaha polusu. Suśvietnuju papularnaść raniej atrymaŭ zdymak «sercajka» na Płutonie.
***
Čakajecca, što New Horizons prapracuje jašče 5-7 hod. Aparat byŭ zapuščany ŭ studzieni 2006 hoda, u 2007-m pralacieŭ mima Jupitara. Paśla pralotu mima Płutona aparat nacelicca na adzin ź inšych abjektaŭ Pojasu Kojpiera — pojasu lodnych asteroidaŭ, u jaki ŭvachodziać i Płuton z bratam Charonam.