U Hrodnie haradskaja prakuratura i Hrodzienski mižrajonny adździeł Śledčaha kamiteta 28 lipienia publična ŭziali pad vartu niadaŭniaha vypusknika Hrodzienskaha prafiesijnaha budaŭničaha liceja №1. 18-hadovaha chłopca aryštavali na vačach piedahahičnaha kalektyvu i navučencaŭ liceja — z prafiłaktyčnymi metami.
Na maładoha čałavieka pačali kryminalnuju spravu za niezakonnaje nabyćcio i zachoŭvańnie biez mety zbytu asabliva niebiaśpiečnaha psichatropnaha rečyva. Pra heta na telekanale «Biełaruś 1» paviedamiŭ namieśnik prakurora Hrodna Dźmitryj Antanovič:
«Były ich vypusknik niezakonna nabyŭ i zachoŭvaŭ pry sabie psichatropnyja rečyvy (spajs), byŭ zatrymany supracoŭnikami milicyi. U jaho zabrali hetaje rečyva».
Pravaachoŭniki ŭličyli abstaviny zroblenaha i admoŭnuju charaktarystyku chłopca. Tamu było pryniataje rašeńnie ŭziać jaho pad vartu.
Darečy, u Hrodzienskim budaŭničym licei №1 užo druhi raz publična aryštoŭvajuć navučenca.
