Navukoŭcy z Univiersiteta štata Ahajo zajavili, što im udałosia vyraścić amal poŭnuju kopiju čałaviečaha mozhu. Paviedamleńnie pra heta źjaviłasia na aficyjnym sajcie univiersiteta.
Ohio State University
Kiraŭnik daśledavańnia, prafiesar Rene Anand paviedamiŭ, što vyraščany jaho kamandaj uzor pa charaktarystykach adpaviadaje mozhu, što jość u piacitydniovaha embryjona. U im jość 99% hienaŭ, prysutnych u realnym mozhu, i pradstaŭlenyja ŭsie asnoŭnyja adździeły, adnak adsutničaje sistema kryvianosnych sasudaŭ.
Anand nie daŭ poŭnaj spravazdačy ab ekśpierymiencie, paviedamiŭšy, što jon źjavicca paśla atrymańnia im patenta na technałohiju. Zhodna ź jaho acenkaj, hetaja samaja dakładnaja na siońniašni dzień bijałahičnaja madel mozhu. Jon adznačyŭ, što papiarednim daśledčykam udavałasia skapijavać tolki asobnyja aśpiekty mozhu.
Na vyroščvańnie madeli pajšło kala 12 tydniaŭ. Asnovaj dla jaje słužać darosłyja kletki skury, jakija pieraprahramujuć u indukavanyja stvałavyja kletki, zdolnyja źmianić napramak svajoj śpiecyjalizacyi i ŭtvaryć lubuju tkaninu ŭ arhaniźmie.
Daśledčyk adznačyŭ, što ŭ madel nie pastupajuć siensarnyja stymuły i razumovy praces u joj nie idzie, što vyklučaje mahčymyja etyčnyja prablemy.
Na dumku vučonaha, vynachodnictva spatrebicca dla vyvučeńnia pryčyn uźniknieńnia roznych zachvorvańniaŭ niervovaj sistemy i pravierki efiektyŭnaści lekavych srodkaŭ. Anand źjaŭlajecca suzasnavalnikam startapa NeurXstem, pryśviečanaha kamiercyjalizacyi prydumanaha im mietadu pa vytvorčaści kopij mozhu.
