Premjerny i pakul razavy pakaz mastackaha filma «My, braty» (u zamiežnym prakacie The Code of Cain («Kod Kaina») adbudziecca ŭ kinateatry «Maskva» 24 vieraśnia ŭ 19.00. Pra heta paviedamiŭ hienieralny pradziusier kampanii Nonstop Media Siarhiej Ždanovič.
Kvitki na kinasieans, pa słovach pradziusara, buduć u prodažy, adnak značnaja častka miescaŭ užo raśpisana samim Siarhiejem Ždanovičam dla haściej i inšych datyčnych da filma ludziej.
Dalejšy prakatny los filma buduć vyrašać pradstaŭniki amierykanskaj kampanii Vantage Media International. «Jany raspracoŭvajuć markietynhavuju stratehiju pa prasoŭvańni filma, i ŭ ich u kožnaj krainie jość svoj pradstaŭnik. Płanujecca, što film pakažuć u 40 krainach», — dzielicca Siarhiej Ždanovič. Pry hetym, pavodle jaho słoŭ, taja ž kampanija zojmiecca prakatam filma ŭ Rasii i Biełarusi.
Pakul pradziusar prezientavaŭ zahałoŭnuju pieśniu i klip da filma «My, braty». Pieśniu «Ty — brat» vykanali Dzianis Majdanaŭ i Alaksiej Chlastoŭ. Śpiecyjalna dla hetaha rasijski artyst pryjazdžaŭ u kancy sakavika ŭ Minsk.
Muzyku i słovy dla pieśni «Ty - brat» napisaŭ hienieralny pradziusier kampanii Nonstop Media Siarhiej Ždanovič.
13 vieraśnia adbudziecca premjera klipa i pieśni na kinafiestyvali «Kinašok» u Rasii. Tam artysty ŭžyvuju vykanajuć pieśniu. Na kinafest pryjedzie taksama režysior filma Uiljam De Vital.
