Pradstaŭniki KNDR i Paŭdniovaj Karei zmahli pryjści da pahadnieńnia ab urehulavańni pahraničnaha kryzisu.
Pavodle dadzienych ahienctva Renchap, Paŭdniovaja Kareja pahadziłasia spynić viaščańnie z hučnahavarycielaŭ ŭzdoŭž demilitaryzavanaj zony, a KNDR pryniesła prabačeńni za abstreły. Aficyjna infarmacyja budzie paćvierdžanaja paźniej padčas sumiesnaj zajavy.
Pieramovy ŭ pamiežnym Pchanmundžomie praciahvalisia amal dvoje sutak, adnak da ciapierašniaha momantu nijakich padrabiaznaściaŭ pra ich prahres nie paviedamlałasia.
Raniej u paniadziełak prezident Paŭdniovaj Karei Pak Kyn Chie zajaviła, što prapahandysckaje viaščańnie suprać paŭnočnakarejskich uładaŭ praciahniecca, kali Pchieńjan nie pryniasie prabačeńni za miny, ustanoŭlenyja ŭ demilitaryzavanaj zonie.
Situacyja na miažy abvastryłasia paśla sproby paŭnočnakarejskich vajskoŭcaŭ źniščyć rakietaj hučnahavarycieli, praź jakija Paŭdniovaja Kareja tranśluje krytyčnyja vykazvańni ŭ adras režymu Pchieńjana. Ułady Paŭdniovaj Karei admovilisia vykanać patrabavańni KNDR i prybrać hučnahavarycieli. U adkaz paŭnočnakarejski lidar Kim Čen Yn zahadaŭ pryvieści vojski ŭ poŭnuju bajavuju hatoŭnaść.
