Siońnia dniom, 24 žniŭnia, na stancyi maskoŭskaha mietro «Čartanaŭskaja» zatrymali mužčynu z hranatamiotam, paviedamlaje lifenews.ru.
Na mužčynu spracavała ramka mietałašukalnika. Padčas nadhladu palicyjanty znajšli ŭ jaho ŭ skrutku hranatamiot RPH-26, a taksama vid na žycharstva ŭ padmaskoŭnaj Elektrastali.
Jak vyśvietliłasia paźniej, kurjer David, uradženiec Małdovy, pavinien byŭ dastavić zbroju ŭ Minsk. Jon śćviardžaje, što nie viedaŭ, što mienavita znachodzicca ŭ skrutku. Zamoŭcam tavaru byŭ žychar Biełarusi, jaki paćvierdziŭ, što zamova pryznačałasia jamu.
«Ja zamoviŭ na adnym forumie RPH, aformiŭ dastaŭku praz kurjerskuju słužbu ŭ Minsku, — raspavioŭ zamoŭca. — Ale na hetym forumie niama bajavoj zbroi, tolki vučebnaja. Kupiŭ dla siabie, bo kalekcyjanuju zbroju».
Aficyjny pradstaŭnik HU MUS pa horadzie Maskvie Andrej Haliakbieraŭ zajaviŭ, što znojdzienaja pryłada niebiaśpieki nie ŭjaŭlaje.
«Hranatamiot akazaŭsia pustym korpusam vučebnaha dapamožnika. Pa vynikach pravierki budzie pryniata pracesualnaje rašeńnie», — paviedamiŭ jon.
