Prakuraturaj Mahiloŭskaj vobłaści nakiravana dla razhladu ŭ Mahiloŭski abłasny sud kryminalnaja sprava ŭ dačynieńni da 36-hadovaha žychara ahraharadka Miežysietki Mahiloŭskaha rajona, jaki ŭčyniŭ zabojstva adnaviaskoŭki pry abciažarvajučych abstavinach.
Jak paviedamiŭ namieśnik načalnika adździeła prakuratury vobłaści Dźmitryj Šaramiet, złačynstva było ŭčyniena ŭ noč z 1 na 2 sakavika hetaha hoda. Abvinavačvany, znachodziačysia ŭ stanie ałkaholnaha apjanieńnia, u haściach u 28-hadovaj žycharki Miežysietak, u chodzie svarki, nanios paciarpiełaj rukami, kielicham, tazam, patelniaj, nažami, nažnicami, kastrulaj, viadrom, kubkam nie mienš čym 96 udaraŭ pa roznych častkach cieła. Žančynie byli pryčynienyja množnyja traŭmy hałavy, šyi i tułava, množnyja paškodžańni kaściej škileta i ŭnutranych orhanaŭ, jakija ŭskładnilisia raźvićciom traŭmatyčnaha šoku. Ad hetych traŭm jana pamierła na miescy zdareńnia.
Dziejańni abvinavačvanaha kvalifikavanyja pa p. 6 č. 2 art. 139 KK (naŭmysnaje supraćpraŭnaje pazbaŭleńnie žyćcia inšaha čałavieka (zabojstva), učynienaje z asablivaj žorstkaściu). Za heta kryminalnym zakanadaŭstvam praduhledžana pakarańnie ŭ vyhladzie pazbaŭleńnia voli na termin ad 8 da 25 hadoŭ, abo pažyćciovaje źniavoleńnie, abo śmiarotnaja kara.
Papiaredniaje rasśledavańnie pa hetaj spravie pravodziłasia USK pa Mahiloŭskaj vobłaści.
